ممبر شپ ۔۔۔بزم گوجری۔۔۔۔۔۔

”سارو ہند تھو مہارو“ ”خلیل انجم“

”سارو ہند تھو مہارو“

”خلیل انجم“

سارو ہند تھو مہار زمانہ نے تکیو

اک دہشت تھی مہاری اک غلبو تھو مہارو

ہندو تے کھتری پرانا نے تکیو....!

پرتھوی زمانہ لمیرو تھو مہارو....!

یو بلخ، بخارو سارو تھو مہارو

یو ستلج تے راوی کنارو تھی مہارو

اک مشرق تے مغرب پکارو تھو مہارو

اک لاالہ الاا للہ نعرو تھو مہارو

یو کاشر تھو سارو مسلم غو ڈیرو

اک جھنڈو تے لیڈر پیارو تھو مہارو

یا دکن، آگرہ تے گجرات گی مٹی

یو ایران، افغان سارو تھو مہارو

سکندر غی دہشت تے قاسم غی ہمت

رحمت علی گوجر سہارو تھو مہارو

جاں سُتو ہے مسلم تے سوئی ہے غیرت

تاں ہر پاسے کاہٹو خسارو تھو مہارو

اُٹھو رے انجم دنیا ناں جگاو

جموں تے وادی بلارو تھو مہارو

نعت شریف۔۔۔ گوجری۔۔۔۔۔ خلیل انجم

نعت شریف۔۔گوجری

از....خلیل انجم

جد احد تیں محمدبنایو گیو تُھو

تےعرشاںورناںلخایو گیو تُھو

                             وہ کام آخری تُھو یو نام آخری ہے           

جد یٰسین تے طہٰ فرمایو گیو تُھو

تے مزمل غینال چمکایو گیو تُھو

                         وہ فرمان آخری تھو یو انعام آخری ہے       

والیل غو کنڈل لگایو گیو تھو

والضحیٰ غینال چمکایو  گیو تُھو

                        وہ لگان آخری تھو یو اہتمام آخری ہے            

جد تاج نبوت پہنا یو گیوتھو

تے کام اِت سارو مکایو گیو تُھو

                              وہ تاج آخری تھو، یو راج آخری ہے

جد نبیاں غو مقدم بنا یوگیو تُھو

تے ساراں تیں آگے کھلایوگیو تُھو

                             وہ مقام آخری تُھو، یو قیام آخری ہے      

جاں آخری رات جگا یو گیو تُھو

تے طالب مطلوب ملایو گیو تُھو

                                وہ کم آخری تھو، یو کان آخری ہے

جاں راز نیاز بتا یو گیو تُھو

تے سارو حجاب ہٹایو گیو تُھو

                                وہ حجاب آخری تھو، یو راز آخری ہے

جاں چَن دو ٹکڑا کرایو گیو تُھو

ڈبیو سورج لٹایو گیو تُھو

                                  وہ کاز آخری تھو، یو اعزاز آخری ہے                         

ان اللہ و ملئکتہ فرمایو گیو تُھو

تے درودوسلام پڑھایوگیو تُھو

                               وہ سوز آخری تھو، یو ساز آخری ہے                

خلیل جاں محمدی بنایو گیو تُھو

تے نعتاں غو گجرو لوایو گیو تُھو

                               وی پیام آخری تھو ، یو سلام آخری ہے

توں ن آئیو نہ اڑیا۔۔۔۔۔ خلیل انجم

توں آئیو نہ اڑیا

تکتی میں رہی تُوں آئیوں نہ اڑیا

تھک وی گئی تُوں آئیوں نہ اڑیا

راتاں نا جاگی  تے سُتی  نہ   ماسا

چھڈی خدائی تے چھڈیا میں ھاسا

بنجلی بجائی تُوں آئیوں نہ اڑیا

چھانی خدائی تُوں آئیوں نہ اڑیا

طعنہ وی   جگ غا  بتہرا  میں لیا

منت میں منی تے سجدا میں کیا

چادر چڑھائی تُوں آئیوں نہ اڑیا

ونڈی مٹھائی تُوں آئیوں نہ اڑیا

چلی میں  ہوئی  تے  پاگل  بنائی

انجم ہوں تھہاری تے تھہاری کوھائی

جندڑی جلائی تُوں آئیوں نہ اڑیا

جوانی کھڑائی تُوں آئیوں نہ اڑیا

آو گوجری سیکھیں

آو گوجری سیکھاں

رفیق شاہد

اس سبق ماں ہم گوجری کے نال اُس کو اردو ترجمعو بھی پیش کر رہیا ہاں تاکہ مھارا قارئین ناں گوجری سمجھن تے بولن ماں دِقت کو سامنو نہ کرنو پوئے۔اردو گوجری کی ہی پیدوار ہے اس واسطے دُوہاں زباناں ماں بہت معمولی فرق ہے تھوڑو دھیان دِتو جائے تے بڑی ہی آسانی نال گوجری زبان پر عبور حاصل کیو جا سکے ۔مھار اَج کو سبق قریبی رشتاں کا حوالہ ناں ہے۔

اردو	گوجری	اردو	گوجری
نانی	نانی	والد	باپ
خالہ	ماسی	ماں	ماں
خالو	موسو	بیٹا	پُوت
چچا	چاچو	بیٹی	دھیی
چچی	چاچی	نواسہ	دوہترو
پحوپھی	پُھپھی	نواسی	دوہتری
داماد	جوائی	پوتا	پوترو
سسر	سوہرو	پوتی	پوتری
ساس	سسو	دادا	دادو
بہو	بہو	دادی	دادی
سمدھی	کُڑم	نانا	نانو

ان الفاظ ناں جملاں ماں استعمال کرن کی کُجھ مثال پیش خدمت ہیں

اردو	گوجری	اردو	گوجری
بیٹی کی اچھی تربیت کرو	دھیی کی تربیت چنگی کرو	بڑھاپے میں والد کا سہارا بنیں	بڈھیماں ماں باپ کو سہارو بنو
خالہ ماں جیسی ہوتی ہے	ماسی ماں جیسی وے	ماں کے پاﺅں تلے جنت ہے	ماں کا پیراں ہیٹھ جنت ہے
ساس کی خدمت ماں کی طرح کرو	سسّو کی خدمت ماں سمجھ کے کرو	نافرمان بیٹا کبھی کامیاب نہیں ہو سکتا	نا فرمان پُوت کدے کامیاب نیں ہو سکتو